YANGILIKLAR

Voqealardan xabardor bo'ling!

 

 O'zbekiston telebozori bugungi kunda jadal rivojlanmoqda va kundan-kunga tomoshabinga turli hil telemahsulotlar taqdim etilmoqda. Mart oyida eng talabchan tomoshabin bolalari uchun “Aqlvoy” ma’rifiy-ko‘ngilochar telekanalining taqdimoti bo‘lib o‘tdi. 27-oktabr kuni loyiha jamoasi yetakchi reklama agentliklari, ishlab chiqarish kompaniyalari rahbarlari, shuningdek, biznes sohasi vakillari bilan uchrashuv o‘tkazib, kanalning o‘tgan olti oydagi hayoti, tomoshabinlarni kutayotgan yangiliklar haqida gapirib berdi.

"Hayratlanish vaqti!" - butun tadbirga ramziy ravishda jo'r bo'lgan va hozir bo'lganlarni haqiqiy kosmik dunyoga cho'mdiruvchi shior "Tashkent city" bog'i Planetariumi zalida qayta tiklandi. Bundan tashqari, uchrashuv mehmonlari galaktikalararo “kema”da sayohat qilishlari, yoqimli atmosfera va, albatta, hozirgi mashhur uslubdagi esdalik fotosur'ati - 360 daraja kutilgan edi.

Tashkilotchilar ta’kidlaganidek, tor doiradagi uchrashuv samarali bo‘lib, “Aqlvoy” telekanali hayotida uzoq muddatli hamkorlikning boshlanishi va yangi sahifasini ko‘rsatdi.

 

O'zbekistonda san'at turlari orasida dublyaj san'atining o'ziga xos o'rni mavjud. Ushbu faoliyat turining mavqeini oshirishda hamda tomoshabinlarga sifatli va tomoshabop media mahsulotlarni tayyorlashda ko'plab dublyaj ustalari doimiy ravishda tinimsiz izlanishmoqda, mehnat qilishmoqda. Xususan, telekanalimiz premyerasi arafasida dublyaj ustalari o'z mahoratini namoyish etmoqda. Bunga Melnitsa studiyasining multfilmlari misol bo'la oladi. O'zbekistonning sevimli va taniqli aktyor va aktrisalari multfilmlarning dublyajida ishtirok etishdi. Bulardan:
Shahlo Temirova
Abdulhay Ataxo'jayev
Barno Qodirova
Elbek Mirzohidov
Mirzabek Xolmedov
Farhod Abdullayev
Dilnoza Kubayeva va boshqalar.

11-oktabr Yangi mavsumda barchasi yangi! Efirda mashhur dasturlarning premyeralari boshlandi:
"Bilasanmi?"
"Eli va Bob"
"Bilimdon"
"Quvnoqvoy" Har bir dastur bolalarning dunyo haqida bilib olishlariga va yangi kashfiyotlar qilishlariga yordam beradi. Dasturlar Maktabgacha ta'lim vazirligi bilan birgalikda tayyorlangan.